Култуура Маны аах Уопсастыба

Олоҥхо ыһыаҕын тэлэбиисэринэн көрүҥ

“Саха” НКИХ дириэктэрэ, “САХА” НКИХ уонна “Мамонт” ханаалларын дириэксийэтин кылаабынай эрэдээктэрэ Олег Колесов салайааччылаах 20 киһилээх бөлөх Өлүөхүмэ улууһугар барда. Хамаанда сүрүн соруга – Олоҥхо ыһыаҕын үөрүүлээх аһыллыытын уонна атын суолталаах түгэннэрин быһа көрдөрүү.

edersaas.ru

Тэрээһин үөрүүлээх аһыллыытын өрөспүүбүлүкэ олохтоохторо бэс ыйын 26 күнүгэр сарсыарда 11 чаастан тэлэбиисэринэн быһа көрүөхтэрин сөп. Быһа биэриилэр бу кыраапыгынан барыахтара, ол эрээри, баҕар, уларытыылар киириэхтэрин сөп.

Бэс ыйын 25 күнэ

19:15 – тэрийээччилэр кыттыылаах Олоҥхо ыһыаҕын туһунан биэрии

20:00 – олоҥхоһуттар түһүлгэлэрин аһыллыыта

Бэс ыйын 26 күнэ

11:00-13:30 – Олоҥхо ыһыаҕын үөрүүлээхтик аһыы тэрээһинэ

14:00-16:00 – сүрүн түһүлгэҕэ олоҥхоһуттар күрэстэрэ

19:00-22:30 – олоҥхоһуттар күрэстэрин салгыыта

Бэс ыйын 27 күнэ

10:00-12:00 – олоҥхоһуттар, норуот уус-уран маастардарын күрэстэрэ, тимир уустарын көрдөрүүлэрэ

17:00 – Өлүөхүмэ олоҥхоһута М.Т. Шараборин-Кумаарап “Улуу Даарын бухатыыр” олоҥхотун матыыбынан Олоҥхо тыйаатырын театрализованнай туруоруута

18:00 – Олоҥхо ыһыаҕын үөрүүлээх сабыллыытын тэрээһинэ.

 

СӨ Култууратын уонна духуобунай сайдыытын министиэристибэтин пресс-сулууспата.

 

0
0