Быйыл бэс ыйын 20-21 күннэригэр Нам улууһугар ыытыллар ХIII өрөспүүбүлүкэтээҕи Олоҥхо ыһыаҕар бэлэмнэнии көхтөөхтүк бара турар.
Олоҥхо ыһыаҕын генеральнай спонсорынан, Арассыыйа араас муннуктарыгар тимир суолунан таһаҕаһы таһыыга биир бастыҥ транспортнай логистическай тэрилтэ – “АЯМТРАНССЕРВИС” тэрилтэ буолуоҕа.
Онтон соторутааҕыта Олоҥхо ыһыаҕын эмбилиэмэтэ бигэргэннэ.
Ол курдук, улуус биллиилээх уустарын, маастардарын кытта киэҥ сүбэлэһии ыытыллан, кинилэр санаалара учуоттанан, кыра уларытыылар киллэриллэн, ааптар Леонид Бурнашев оҥорбут эмбилиэмэтэ бигэргэтилиннэ.
Билигин, Олоҥхо ыһыаҕын фондатыгар үп-харчы киллэрэр сыаллаах, улуус дьоно, нэһилиэктэр бука бары турунан, киэҥ хабааннаах үлэни ыыта сылдьаллар.
Бу туһунан биһиэхэ улуустааҕы “Эҥсиэли” хаһыат суруналыыһа Лена Ноговицына иһитиннэрдэ.
Бэйэбит корр.