Бүгүн Үөһээ Бүлүү улууһугар аны сайын Олоҥхо ыһыаҕын үөрүүлээх чааһын туруоруутугар кыттыыны ылыахтаах үҥкүү коллективтарын уонна фольклорнай нүөмэрдэри көрүү буолла. Бу туһунан улуус дьаһалтатын пресс-сулууспата иһитиннэрдэ.
Ол курдук, 26 үҥкүү коллектива ыһыаҕы тэрийэр хамыыһыйа иннигэр бэйэлэрин репертуардарыттан биирдии үҥкүүнү көрдөрдүлэр. Олоҥхо ыһыаҕын үҥкүү туруорааччыта Изабелла Егорова ыһыах арыллыытыгар уонна сабыллыытыгар уопсайа 2000 кэриҥэ дьону кытыннарыахтаахпыт диэн этэр.
Сарсын «XV Олоҥхо ыһыаҕа Үөһээ Бүлүүгэ: ийэ тыл, үйэлээх үгэс, уопсастыба» диэн XII билим-методическай өрөспүүбүлүкэтээҕи кэмпириэнсийэ иитинэн «Олоҥхону үҥкүүнэн дьүһүйүү» диэн семинар уонна маастар-кылаас ыытыллыаҕа.
edersaas.ru
+1
+1
+1
+1
+1
+1
+1