Ил Дархан социальнай ситимнэргэ аһаҕас эпиирин кэмигэр 500-чэ ыйытыы киирбитэ. Бириэмэ тиийбэтэҕинэн, сорох ыйытыыларга тустаах министиэристибэлэр кэнники хоруйдаатылар.
Үгүс дьону “Олоҥхо ыһыаҕа буолуо дуо?” диэн ыйытыы долгутар. Буолумуна, оннооҕор Туймаада ыһыаҕа онлайн буоларын кэннэ? Манна СӨ Култуура министиэристибэтэ хоруйдуур:
— Бүгүҥҥү күҥҥэ ыһыах бырагыраамата, ыҥырыылаах ыалдьыттар испииһэктэрэ Роспотребнадзор сулууспатын ирдэбилин учуоттаан, оҥоһулла сылдьар. Ол кэмҥэ эпидемиологическай балаһыанньа хайдаҕыттан тутулуктаах буолуоҕа.
Билиҥҥитэ Өлүөхүмэ улууһугар туох баар тутуу, тэрээһин үлэтэ кыраапыктан хаалбакка, ыытылла турар. Ыһыах аһыллыытыгар, испэктээкиллэргэ тиийиэхтээх артыыстар, кыттааччылар барар буоллахтарына, доруобуйаларын туругун чинчийтэрэн, коронавируска анаалыс туттарыахтаахтар.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1