Өрөспүүбүлүкэтээҕи XIV Олоҥхо ыһыаҕа Өлүөхүмэ сиригэр-уотугар далааһыннаахтык, дуорааннаахтык салҕанар.
Ыалдьыттарга уонна түһүлгэ кыттыылаахтарыгар култуурунай бырагыраама, куонкурус арааһа элбэх.
СӨ Ил Дархана Айсен Николаев олоҥхоһуттар, хомусчуттар күрэстэрин түһүлгэлэригэр сырытта, ону сэргэ өрөспүүбүлүкэ уран тарбахтаах уустарын быыстапкаларын көрдө.
Олонхону толорооччулар күөн күрэстэригэр 13 улуустан 80 киһи кыттар. Кинилэр ортолоругар 12 бочуоттаах олоҥхону толорооччу, аҕыс кэлэктиип Тааттаттан, Чурапчыттан, Мэҥэ Хаҥаластан, Намтан, Дьокуускайтан бааллар. Эдэрдэргэ эмиэ туһунан күрэс ыытыллар. Кинилэр ортолоругар Никандр Тимофеев, Валентин Исаков, Василий Иванов — Чиллэ үөрэнээччилэрэ бааллар.
Уран тарбахтаах уустар быыстапкаларыгар сылдьан Айсен Николаев норуот маастардарын, уустары кытары кэпсэттэ. Тимиртэн таптайан оҥоһуулары, киэргэллэри, дьиэҕэ-уокка туттуллар малы-салы, о.д.а. арааһы сөҕө-хайгыы , саха быһахтарын хаачыстыбаларын сыаналаата.
Андрей Сорокин (СИА) хаартыскаларга түһэриитэ
+1
+1
+1
+1
+1
+1
+1