Кырдьаҕас Бүлүү куоратыгар, Хомустаах Эбэ үрдүгэр хатыҥ чараҥынан тулаламмыт кырдалга уон биирис Олоҥхо ыһыаҕа өрө көтөҕүллүүлээхтик аһылынна.
Раиса СИБИРЯКОВА, «Саха сирэ» хаһыат, edersaas.ru
Өрөспүүбүлүкэ улуустарыттан кэлбит дэлэгээссийэлэри нэһилиэктэринэн сыһыаран көрүстүлэр. Ыһыаҕы арыйыы долгутуулаах, үөрүүлээх сиэригэр Ил Түмэн бэрэссэдээтэлэ, Олоҥхо тэрийэр кэмитиэтин бэрэссэдээтэлэ Александр Жирков, Бырабыыталыстыба бэрэссэдээтэлэ Евгений Чекин, улуустар баһылыктара, уо.д.а. кытыннылар. Ытык Бүлүү сиригэр-уотугар Олоҥхо ыһыаҕа аһылларынан бэйэтин эҕэрдэтин космос куйаарыттан 52-с космическай ыстаансыйа этэрээтин хамандыыра Федор Юрчихин үөрэн, улаханнык долгуйан туран тиэртэ.
Мантан киэһэ хас да түһүлгэнэн олоҥхоһуттар куонкурустара, «Оһуохай үҥкүүтэ — түһүлгэ үөрүүтэ» диэн үҥкүү тылын таһаарааччылар күрэхтэһиилэрэ буолуоҕа. Тимир уустарын түһүлгэлэригэр хомус уонна саха быһаҕын уустарын итиэннэ ох сааны оҥорор маастардар куонкурустара тэриллиэҕэ.
Раиса СИБИРЯКОВА, «Саха сирэ» хаһыат, edersaas.ru
Хаартыскаларга: Алевтина Иннокентьева түһэриилэрэ
[vc_video link=»https://www.youtube.com/watch?v=tLMl64qylCE&feature=youtu.be» title=»ВИДЕО»]