Олоҥхо ыһыаҕа коронавируһунан сибээстээн, 2021 сылга көстө. Ити туһунан бүгүн СӨ Ил Дархана Айсен Николаев туһааннаах дьаһылга илии баттаата.
Ил Дархан ити дьаһалыгар олоҕуран, быйыл Өлүөхүмэ улууһугар ыытыллыахтаах Өрөспүүбүлүкэтээҕи XIV Олоҥхо ыһыаҕа 2021 сылга көстө. Көһөрүү, биллэн турар, нэһилиэнньэ доруобуйатын айгыраппат уонна коронавирус салгыы тарҕамматын туһугар быһаарылынна.
Санатан эттэххэ, Олоҥхо ыһыаҕа бэс ыйын 19-21 күннэригэр Өлүөхүмэ улууһугар буолуохтааҕа. Ол да буоллар, өлүөхүмэлэр былаан быһыытынан, ыһыах ыһыллыахтаах Аанньаах Хочотугар үлэни тохтоппотулар.
Олоҥхо ыһыаҕын ыытыы кыраапыга сыҕарыйан биэрбитинэн сибээстээн, 2021 сылга Өлүөхүмэ, 2022 сылга Үөһээ Бүлүү, 2023 сылга Өймөкөөн, 2024 сылга Амма, 2025 сылга Нерюнгри улуустарыгар ыытыллара былааннанар.
Людмила ПОПОВА, “Саха сирэ” хаһыат, edersaas.ru
+1
+1
+1
+1
+1
+1
+1