«Олоҥхоҕо уһуйуу» аһаҕас уруокка, дьарык сценарийыгар кэтэхтэн күрэс ыытыллар.
ХИФУ Олоҥхо института, СӨ култуураҕа уонна духуобунай сайдыыга министиэристибэтин «Ресурснай бырайыактыыр киин» СБТ, Үөһээ Бүлүүтээҕи Н.И.Бойлохов аатынан оҕо ускуустубатын оскуолатын иһинэн үлэлиир Олоҥхо оскуолата, Н.К.Седалищев — Дьүөгэ Ааныстыырап аатынан Кэнтик орто оскуолата тохсунньу 13 күнүттэн олунньу 13 күнүгэр диэри өрөспүбүлүкэтээҕи «Олоҥхоҕо уһуйуу» аһаҕас уруокка, дьарык сценарийыгар кэтэхтэн күрэс биллэрэллэр.
Маннык күрэһи тэрийии бастатан туран, олоҥхоҕо уһуйааччылары түмэр сыаллаах-соруктаах тэриллэр. Итини сэргэ, үөрэтии ньыматын тарҕатар, эдэр ыччаты олоҥхо эйгэтигэр угуйар туһугар бары кыһамньыларын уураллар. Үсүһүнэн, итинник ньыманан үлэ үөрүйэҕин атастаһыы улахан туһалаах буолуоҕун бэлиэтииллэр.
Куйаар ситиминэн ыытыллар күөн күрэскэ олоҥхоҕо эбии дьарык уһуйааччылара, учууталлар кытталлар. Күрэскэ кыттааччылартан олоҥхо тиэмэтигэр уруок технологическай каартата уонна дьарык сценарийа ирдэнэр. Үлэлэр методическай көмө хомуурунньугар киллэриллэллэрэ былааннанар.
Сэргээбиттэр, сэҥээрбиттэр сиһилии 89679110722 Тарагаева Надежда Николаевнаҕа, 89659988070 Мойтохонова Сахаайта Михайловнаҕа эрийиэн ыйытылаһааыххытын сөп.