«Арчы» дьиэтигэр олоҥхо дэкээдэтин чэрчитинэн Чөркөөх сириттэн-уотуттан куорсун анньынан тахсыбыт Ийэ олоҥхоһут, ЮНЕСКО стипендиата, алгысчыт, Таатта, Эдьигээн улуустарын уонна Чөркөөх нэһилиэгин бочуоттаах гражданина, үлэ, тыыл бэтэрээнэ П.Решетников – Көһөҥө Бүөтүр төрөөбүтэ 90 сылыгар аналлаах «Олоҥхо дойдутунуу кэрэ олоҕу баҕарабын…» ахтыы киэһэтэ буолла.
П.Е.Решетников – Көһөҥө Бүөтүр амарах аҕа, билиилээх учуутал, сатабыллаах салайааччы, ситиһиилээх спортсмен, дэгиттэр талааннаах артыыс, айылҕаттан айдарылаах алгысчыт, сээркээн сэһэнньит, умсугутуулаах уһуйааччы, Ийэ олоҥхоһут. Төрөппүт кыыһа Розалия Петровна Докторова, аймахтара, сиэннэрэ, алтыспыт атастара-доҕотторо, биир дойдулаахтара, олоҥхо эйгэтигэр үлэлэспит дьоно-сэргэтэ бары өттүнэн киэҥник сырдатан, ахтан-санаан аастылар.
Киэҥ ис хоһоонноох тэрээһини Мария Гаврильевна Боппоенова салайааччылаах Дьокуускайдааҕы култуура уонна искусство кэллиэһин устудьуоннара сэргэхтик, үрдүк таһымнаахтык ситэрэн-хоторон биэрдилэр.
+1
+1
+1
+1
+1
+1
+1