Бүгүн, бэс ыйын 23 күнүгэр «Встреча шедевров ЮНЕСКО на земле олонхо» диэн норуоттар икки ардыларынааҕы IV бэстибээл пресс-кэмпириэнсийэтэ «Сахамедиа» пресс-киинигэр буолла.
Пресс-кэмпириэнсийэҕэ модератор Марина Силина, Судаарыстыбаннай сүбэһит Андрей Борисов, М.Горькай аатынан литература институтун филология5а наукатын хандьыдаата Наталья Лидова, Монголияттан Хадхуу Дамдин, Арменияттан Корюн Давтян кыттыыны ыллылар.
Бэлиэтээн эттэххэ, бэс ыйын 20-26 күннэригэр Саха сиригэр бэстибээл ыытыллар. Манна 36 кыттааччы Арменияттан, Азербайджантан, Монголияттан, Калмыкияттан, Кыргызстантан, Туваттан, Бурятияттан кэлбиттэр.
Наталья Лидова, М.Горькай аатынан литература институтун филология5а наукатын хандьыдаата, санскритолог:
—Бэстибэл норуоттар култуураларын, үтүө үгэстэрин илдьэ сылдьааччылары түмтэ. Бу тэрээһин буоларын туһугар ый инниттэн бэлэмнэнии үлэтэ саҕаланар. Биһигини, ыалдьыттары көрсөөрү, Олоҥхо дойдутун олохтоохторо улахан үлэни көрүстүлэр, — диэн санаатын үллэһиннэ.
Кэлбит ыалдьыттартан Карюн Давтян, Хадхуу Дамдин, Кутлан Мукубенов санаадларын үллэһиннилэр. Бэйэлэрин култуураларын, дойдуларын туһунан сырдаттылар. Сиһилии «Саха сирэ » хаһыат кэлэр нүөмэригэр ааҕаарыҥ.