Р.М. Дмитриев аатынан Олимпийскай солбук училищетыгар тэриллибит Саҥа дьыллааҕы балга 2018 сыл бастыҥнарын чиэстээтилэр.
Үөрүүлээх тэрээһин ыҥырыылаах ыалдьытынан Пекиннээҕи Паралимпийскай оонньуулар үрүҥ көмүс призердара, аан дойду, Европа чөмпүйүөнэ, спорт үтүөлээх маастара Анастасия Диодорова буолла, үөрэнээччилэргэ, устудьуоннарга спорка ситиһиилэри баҕарда, үтүөнү үксэтэргэ дьулуһуҥ диэтэ.
Сыл уон бастыҥ спортсменнарынан ааттаннылар:
Андросов Валера (11 кылаас үөрэнээччитэ, көҥүл тустуу);
Бабанова Катя (иккис куурус устудьуона, пауэрлифтинг);
Лихота Ольга (бастакы куурус устудьуона,дзюдо);
Жиркова Сардаана (9 кылаас үөрэнээччитэ, оҕунан ытыы);
Моисеева Аина (бастакы куурус устудьуона, дзюдо);
Иванова Василина (иккис куурус устудьуона, пауэрлифтинг);
Чуфистов Николай (үһүс куурус устудьуона, хайыһарынан сүүрүү);
Игнатьев Дархан (үһүс куурус устудьуона, көҥүл тустуу);
Капустин Владимир (төрдүс куурус устудьуона, ыарахан атлетика);
Михайлов Алексей (үһүс куурус устудьуона, оҕунан ытыы).
Бу эдэр спортсменнар бэйэлэрин дьаныардаах үлэлэринэн, кыайыыга дьулуурдарынан Арассыыйатааҕы, норуоттар икки ардыларынааҕы күрэстэргэ дьоһун ситиһиилэнэн үөрэнэр кыһаларын, төрөөбүт өрөспүүбүлүкэлэрин ааттаппыттара. Маны тэҥэ үөрэх бастыҥнара, үлэҕэ-үөрэххэ көхтөөх оҕолор училище салалтатын грамоталарынан бэлиэтэннилэр.
Роман Попов
Хаартыска Интэриниэттэн ылылынна.