Олимпийскай эрэллэри бэлэмниир оскуолалар саҥа тэрилинэн хааччыллыахтара

Ааптар: 
Бөлөххө киир:

Олимпийскай эрэллэри бэлэмниир оҕо, ыччат спортивнай оскуолалара наадалаах малы, успуорт тэриллэрин ылыахтара.

«Демография» национальнай бырайыак хайысхата — «Спорт — олох нуорумата» бырайыак иитинэн,
Алдаҥҥа хайыһар успуордугар Олимпийскай эрэллэри бэлэмниир оҕо, ыччат өрөспүүбүлүкэтээҕи анал спортивнай оскуолата уонна Дьокуускайга буоксаҕа Олимпийскай эрэллэри бэлэмниир оҕо, ыччат анал спортивнай оскуолата эрчиллэргэ аналлаах малынан-салынан хааччыллыахтара. Бу туһунан СӨ Успуорт министиэристибэтин пресс-сулууспата иһитиннэрэр.
«Дьокуускайга бу оскуола буоксанан дьарыктанарга аналлаах малланыа-салланыа. Оттон Алдаҥҥа хайыһардьыттар спортивнай сүүрэр хайыһардары, хайыһар туттарар, о.д.а. анал тэриллэри тутуохтара«, — диэн СӨ Успуорт миниистирэ Иннокентий Григорьев иһитиннэрэр.
2020 сыллаахха «Успуорт — олох нуорумата» федеральнай бырайыак иитинэн «Эллэй Боотур» дыбарыаһа саҥа тэриллэммитэ: мууһугар анал массыына,  ойоҕоһугар турар анал сыҥаһалар уонна хоккейдыыр анал тэриллэр, тренажердар аҕалыллыбыттара.
+1
0
+1
0
+1
0
+1
0
+1
0
+1
0
+1
0