Куйаар ситиминэн доруобуйаларыгар хааччахтаах оҕолорго олимпиада буолла

Ааптар: 
Бөлөххө киир:

Инбэлииттэр дэкээдэлэрин чэрчитинэн өрөспүүбүлүкэтээҕи  тиэхиньикум-интэринээт бу күннэргэ араас хайысхалаах тэрээһиннэри ыытар.

edersaas.ru

9-11  кылаас үөрэнээччилэригэр уонна орто анал  үөрэхтээһин устудьуоннарыгар аан бастакытын бэйэ үбүн ааҕан-суоттаан сөпкө былаанныырга  уонна буҕаалтыр учуотугар куйаар ситиминэн өрөспүүбүлүкэтээҕи олимпиада буолан ааста.

Бу туһунан тиэхиньикум отделын салайааччыта Наталия Игнатьева кэпсиир:

— Бырайыак ааптардарынан мин, былаанныыр-экэниэмикэ отделын салайааччыта уонна «Экэниэмикэ уонна бухгалтерскай учуот» отдел преподавателэ Туйаара Прядезникова буолабыт. Тэрээһин сүрүн соруга —үөрэнээччилэр уонна устудьуоннар бэйэ үбүн ааҕан-суоттаан сөпкө былааннаан туттарга, мунньарга билиилэрин, үөрүйэхтэрин  таһымын үрдэтии.  Күөн күрэскэ 7  улуустан уонна Дьокуускай куораттан 14  үөрэх тэрилтэтиттэн 62  үөрэнээччи уонна 15 устудьуон  көхтөөх кыттыыны ылла. Саамай үрдүк көрдөрүүнү Үөһээ Халыма улууһун Зырянка орто оскуолатын, өрөспүүбүлүкэтээҕи коррекционнай оскуола-интэринээт, истибэт оҕолорго аналлаах өрөспүүбүлүкэтээҕи коррекционнай оскуола-интэринээт үөрэнээччилэрэ уонна тиэхиньикум-интэринээт «Экэниэмикэ уонна бухгалтерскай учуот» бөлөҕүн устудьуоннара ситистилэр. Тургутук түмүгүнэн үрдүк баалы ситиспит  21 кыттааччы анал дипломнарынан наҕараадаланнылар. Олимпиада бары кыттааччылара туоһу суруктары туттулар.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0