Ольга Балабкина: «Ыалдьааччы ахсаана төһө да аҕыйаатар, сэрэхтээх буолууну намтатар сыыһа!»

Ааптар: 
Бөлөххө киир:

СӨ бырабыыталыстыбатын бэрэссэдээтэлин солбуйааччы Ольга Балабкина, олунньу 10  күнүгэр Суһал ыстаап брифинин  ыытта.

edersaas.ru

Суһал ыстаап салайааччытын солбуйааччы биллэрбитинэн, ааспыт күҥҥэ өрөспүүбүлүкэ үрдүнэн 81 киһи саҥа коронавируснай инфекциянан сутуллубут. Олортон 34 киһитэ киин куорат  олохтоохторо. Мииринэй улууһугар 14 саҥа ыарыһах көстүбүт, Томпоҕо 12 түгэн бэлиэтэммит. Атын улуустарга 5 киһи иһинэн ыарыы түгэннэрэ бэлиэтэммиттэр. Уопсайа 13 улууска коронавируһунан сыстыһыы бэлиэтэммит, атын улуустарга нэдиэлэ кэриҥэ, сорохторго уон күнтэн ордук, ыарыы сибикитэ көстүбэтэх.

— Ыарыы тэтимэ төһө да намтаатар, сэрэхтээх буолууну намтатар олох сыыһа — диир Ольга Валерьевна, — хааччахтары уһулуу эрэгийиэммит уратыларын учуоттаан ыытыллыаҕа.

Бүгүҥҥү күн ордук сэрэхтээх түгэнэ — ыраах сытар сэлиэнньэлэргэ ыарыы сибикилэрэ көстүүтэ. Томпо, Уус Майа, Өймөкөөн, Өлүөхүмэ улуустарын ыраах сытар  дэриэбинэлэригэр, ыарыы туруоҕуттан коронавируска сутуллуу бэлиэтэммэтэх сирдэригэр саҥа ыалдьыбыт дьон көстүбүттэр. Суһал ыстаап бу сэлиэнньэлэри  хонтуруолга ылбыт.

Вакциналааһын тэтимин түһэрбэккэ барарын бэлиэтээн эттэ, элбэх киһи быһыы иккис түһүмэҕин ааһан эрэр эбит. Ольга Балабкина кырдьаҕас дьону волонтердарга эрийэн, көмөлөһүннэрэн быһыыны ыла тиийэллэригэр ыҥырда.

«Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0