Ольга Балабкина: вируһу утары охсуһарга соҕотох ньыма — бэйэни хааччахтаныы, хантаагы аҕыйатыы
Санитарнай-эпидемиологическай быһыы-майгы тыҥааһыннаах, коронавирус дьаҥынан ыалдьааччы ахсаана элбээн иһэр. Бу туһунан СӨ Бырабыыталыстыбатын Бэрэссэдээтэлин солбуйааччы Ольга Балабкина бүгүн, ыам ыйын 2 күнүнээҕи туругу иһитиннэрэригэр эттэ.
Вице-премьер коронавируһу тарҕаппат туһуттан суһал миэрэлэри ыларга сорук туруорда, ол иһигэр дьоннор хардарыта хантаактарын аҕыйаталларыгар эттэ. «Биһиги сорукпут — маннык быһыыны-майгыны таһаарыа суохтаахпыт. Итиэннэ, төһө кыалларынан түргэнник харах балыыһатыгар тахсыбыт түбэлтэни намырата, аһара охсон, доруобуйа харыстабылын эйгэтигэр бу хайысхаҕа үлэ этэҥҥэ саҕаланарын ситиһиэхтээхпит, — диэтэ вице-премьер.
Балабкина иһитиннэрбитинэн, бүгүн сарсыарда 8 чаастааҕы чахчынан, өрөспүүбүлүкэ балыыһаларыгар 177 киһи сытар. Биир ыарыһаҕы Кэбээйи улууһуттан, Сангаартан Дьокуускайга аҕалбыттар. Ону сэргэ, кинини кытары хантаактаспыттар анаалыстара аҕалыллыбыт. Маны сэргэ, Бүлүүгэ хантаактаахтар анаалыстара ылыллыбыттар.
Ольга Балабкина өрөспүүбүлүкэ бары олохтоохторугар туһаайан, коронавируһунан ыалдьыбыт дьоннорун көрсөөрү, кинилэргэ ас-үөл аҕалаары балыыһаҕа кэлбэттэригэр эттэ. «Өскөтүн эһиги аймахтаргыт, дьоҥҥут балыыһаҕа сытар буоллахтарына, бука баһаалыста аһы-үөлү аҕалымаҥ. Кинилэри онно аһаталлар. Кылаабынай быраастар, ааны сабыҥ. Бу олус наадалаах. Бүгүн мин 1 №-дээх өрөспүүбүлүкэтээҕи балыыһаҕа — «мэдиссиинэ национальнай Киинигэр» көннөрү бэрэбиэркэлээн сылдьыбытым, ыарыһахха аймахтара кэлбиттэр», — диэтэ, кылаабынай быраастар ааны булгуччу сабалларыгар эттэ.
Мэҥэ Хаҥаласка хантаактаахтары чопчулааһын ыытыллар. Уорбаланааччы обсерваторга киллэриллибит, кини өрөспүүбүлүкэ таһыттан үлэҕэ кэлбит.
РФ доруобуйаҕа харыстабылын министиэристибэтин кылаабынай инфекциониһа Елена Малинникова бэҕэһээ Ленскэй оройуонугар сылдьыбыт. Кини онно быһыыны-майгыны сыаналаабыт итиэннэ Чайыҥдатааҕы ньиэптээх-гаастаах сиргэ үлэҕэ сөп түбэһэр РФ уонна СӨ доруобуйаҕа харыстабылын министиэристибэлэрэ сөбүлэҥнээх ыспыраапканы биэрбит. Баахтабай бөһүөлэктэн үлэһиттэри таһаарыыга бэлэмнэнии үлэлэрэ ыытыллаллар.
«Өрөспүүбүлүкэҕэ дьаҥ баара биллибит хас биирдии оройуон, куорат, сэлиэнньэ , уһулуччу хонтуруолга тутуллар. Оройуоннар суһал ыстааптарын салайар муниципальнай тэриллиилэр баһылыктара өрөспүүбүлүкэ ыстаабын кытары сибээһи тиһиктээхтик туталлар. Бу дьаҥы утары охсуһарга, соҕотох ньыманан бэйэни хааччахтаныы, хантаагы аҕыйатыы эрэ буолар», — диэтэ Ольга Балабкина.
Вице-премьер бу бырааһынньыктар күннэрэ медиктэргэ уонна полиция үлэһиттэригэр тыҥааһыннаах буолалларын эттэ. Дьокуускайга бары олох-дьаһах коммунальнай сулууспалар уустук эрэһиимҥэ үлэлииллэр. «ОДьКХ министиэристибэтин, санитарнай-эпидемиологическай кэтээн көрүү Федеральнай сулууспатын, олохтоох бэйэни салайыныы уорганнарын кытары үлэбитин салгыы сүрүннээн ыытарбыт хайаан да наада. Бу дезинфекциялыыр тэрээһиннэри ыытарга көмөлөөх буолуоҕа. Күүһүрдүллүдүт дезинфекция чуолаан дьаҥнаабыт киһилээх дьиэҕэ ыытыллар», — диэтэ уонна сарсыҥҥы видеонан кэмпириэнсийэҕэ өрөспүүбүлүкэтээҕи суһал ыстаап ыҥырылларын, кэпсэтиигэ СӨ ОДьКХ уонна энергетикэтин министиэристибэтигэр бу боппуруоска болҕомто уурулларыгар эттэ.
«Хардары сибээс наада. Ил Дархан биир ый анараа өртүгэр, ыкса хонтуруол хайаан да баар буолуохтааҕын эппитэ. Суһал ыстаапка, ол иһигэр куораттааҕы суһал ыстаапка, төлөпүөнүнэн киирэр сигналынан миэрэлэр ылыллыахтара. Үөскээн тахсыбыт ыйытыыларга биһиги хоруйдуурга кыһаллабыт. Ыам ыйын 1 күнүгэр төлөпүөнүнэн 240-на эрийбиттэрэ. Муус устар 30 күнүгэр төлөпүөнүнэн 178 звонок киирбитэ. Саамай элбэхтэ муус устар 24 күнүгэр, барыта 394-тэ эрийбиттэрэ. Киирбит ыйытыылары көрүү, үлэ ыытыллар», — диэн бэлиэтээтэ Ольга Балабкина.
СӨ Ил Дарханын, Бырабыыталыстыбатын пресс-сулууспата