Ольга Балабкина: «Вакцина ылаллара көҥүллэммэт дьон, бэйэҕитин харыстаныаххытын наада!»

Ааптар: 
Бөлөххө киир:

Бүгүн Саха сирин бырабыытылыстыбатын бэрэссэдээтэлин солбуйааччы Ольга Балабкина быһа эфир кэмигэр  вакцина ыларга доруобуйа өттүнэн хааччахтаах дьон туһунан туспа чорботон бэлиэтээтэ.

— Вакцинаны ылаллара доруобуйа өттүнэн кыаллыбат дьон бэйэлэрин ордук кичэйэн харыстаныахтаахтар. Хат дьахталлар, эмтэрэ сылдьар ийэлэр, аллергиялаах, ыарыһах дьон бука диэн бэйэҕитин харыстана сатааҥ. Атыттары вакцина көмүскүүр кыахтаах эбит буоллаҕына, эһиги бэйэҕит эрэ ыарыыттан куотунар кыахтааххыт. Билигин олус ыарахан туруктаах дьон өрөспүүбүлүкэ балыыһаларыгар күннэтэ эбиллэ тураллар – диэтэ Ольга Валерьевна.

Бүгүҥҥү күн ордук куһаҕан көрдөрүүлээх Дьокуускай куораты таһынан Өлүөхүмэ, Алдан, Нерюнгри улуустарын ааттаата. Үөһээ Бүлүүгэ ыарыы тэтимэ эмиэ үрдээбитин туһунан бэлиэтээтэ.

«Саха сирэ» хаһыат, edersaas.ru

Хаартыска sakha.gov.ru

+1
0
+1
0
+1
0
+1
0
+1
0
+1
0
+1
0