Доруобуйа Уопсастыба

Ольга Балабкина: «Төһө кыалларынан, быһыыны ыла сатыахха»

СӨ Бырабыыталыстыбатын бэрэссэдээтэлин  солбуйааччы  Ольга Балабкина бүгүҥҥү күннээҕи  коронавирус дьаҥын балаһыанньатын иһитиннэрдэ.

Ол курдук, ааспыт сууккаҕа  өрөспүүбүлүкэ үрдүнэн 448 киһи ыалдьыбытыттан 76-та балыыһаҕа эмтэниигэ сытар.  Дьокуускайга 54, Горнайга 5, Мииринэйгэ,  Өймөкөөҥҥө, Өлүөхүмэҕэ, Чурапчыга биирдии, Мэҥэ Хаҥаласка 2 уонна Нерюнгригэ, Томпоҕо  үстүү  киһи балыыһаҕа киирбиттэр. Ону тэҥэ, аҕыс оҕо  балыыһаҕа эмтэнэ сытар.

Бүгүҥҥү туругунан балыыһаҕа 59 киһи ыарахан туруктаах сытара биллэр.  Реанимация отделениеларыгар 8 киһи лаппа ыарахан туруктаах сытар, кинилэр тустаах быһыыны ылбатахтар. Кинилэр олохторун туһугар бары көмө оҥоһуллар. Бу күннэргэ коронавирус тарҕаныыта төһө да тэтимирбитин үрдүнэн ыарыы дьоҥҥо чэпчэкитик киирэр.

Ольга Балабкина иһитиннэринэн, төһө кыалларынан, тустаах быһыыны ылыллыахтаах.  Бүгүҥҥү күҥҥэ өрөспүүбүлүкэ үрдүнэн бастакы кэмпэниэни 548 497 киһи ылбыт (нэһилиэнньэ улахан дьонун 76,5%-на буолар). Иккис быһыыны 107 691 киһи ааспыт.

Бу аҕыйах кэмҥэ  122 диэн биир кэлим  нүөмэргэ эрийэн тиийэн, көмөҕө наадыйыы лаппа  элбээбит. Ол иһин,  тустаах нүөмэргэ эрийэн тиийиигэ хоруйдуур оператордар ахсааннара элбэтилиннэ.  Бары тэхиньиичэскэй уонна  коронавирус дьаҥын утары охсуһарга аналлаах боппуруостар кэмигэр уталытыллыбакка тэрээһиннээхтик быһаарыллаллар.

 

edersaas.ru

0
0
Telegram @edersaas20