СӨ Бырабыыталыстыбатын бэрэссэдээтэлин солбуйааччы Ольга Балабкина иһитиннэрбитинэн, өрөспүүбүлүкэ үрдүнэн саамай элбэх ыалдьааччы Дьокуускайга бэлиэтэнэр.
Маны таһынан, кэнники хонукка бу дьаҥҥа хаптарыы Мииринэйгэ, Мэҥэ Хаҥаласка, Хаҥаласка, Алдаҥҥа, Бүлүүгэ, Ленскэйгэ, Намҥа бэлиэтэммитин этэр. Кэнники кэмҥэ Мииринэй балаһыанньата долгутарын бэлиэтиир.
—Санитарнай ирдэбили тутуспаттан уонна мааската суох сылдьыыттан дьон дьаҥҥа хаптарар. Итиннэ олохтоох дьаһалта ирдэбили кытаатыннарара наада, — диэтэ уонна Горнай, Бүлүү улуустарыгар санитарнай-эпидемиологическай ирдэбиллэр энчирээбэккэ кытаанахтык тутуһуллалларын холобурдаата.
Өрөспүүбүлүкэҕэ коронавирус дьаҥа туруоҕуттан уопсайа 3742 киһи ыалдьыбыт. 2508 киһи үтүөрбүт. Кэнники хонукка бу дьаҥтан 69 киһи үтүөрэн балыыһаттан тахсыбыт.
+1
+1
+1
+1
+1
+1
+1