Бүгүн, олунньу 8 күнүгэр, 12:00 чааска Саха сирин бырабыыталыстыбатын бэрэссэдээтэлин солбуйааччы Ольга Балабкина эрэгийиэҥҥэ коронавирус балаһыанньатын туһунан брифиҥҥэ кэпсээтэ.
edersaas.ru
— Ааспыт сууккаҕа өрөспүүбүлүкэ үрдүнэн 85 киһи ыарыйда. Дьокуускайга 36. Эригийиэн 14 оройуонугар бииртэн биэскэ диэри дьон ыарыйда. Улахан кутталы суоһуур, бигэтэ суох балаһыанньа өрөспүүбүлүкэ үс улууһугар баар: Мииринэй, Томпо, Уус Маайа. Томпо улууһугар тэрилтэнэн ыалдьыы баар буоллаҕына, Мииринэйгэ Роспотребнадзор чинчийиитэ ирдэнэр. Роспотребнадзор салайааччытын солбуйааччыта Изабелла Самойловаҕа үөрэх эбийиэктэрин үөрэтэригэр сорудах бэрилиннэ.
Улуус баһылыктарыгар миэстэтигэр санитарнай-гигеническай нуорманы тутуһалларын хонтуруолга ыллыннар диэн тоһоҕолоон этэбит. Холобура, коронавируһунан ыалдьа илик «ыраас улуустар, нэһилиэктэр» билигин да бааллар. Кыһыҥҥы суол турбутунан сибээстээн, ыраах сытар нэһилиэнньэлээх пууннар болҕомтолоох буоларгытыгар ыҥырабыт. Бастаан ыалдьар дэриэбинэлэргэ, эпидемия утары оҥоһуллар маҥнайгы тэрээһиннэр боротокуол быһыытынан оҥоһуллуохтаахтар.
Коронавируһу утары быһыыны тохсунньу саҥатыгар ылбыт дьон, иккистэрин ылан эрэллэр. Аҕам саастаах дьон быһыыны ылалларыгар быраастар да, биһиги да сүбэлиибит.
Оскуолаларга уопсастыбаннас, төрөппүттэр даҕаны санитарнай-эпидемиологическай нуормалары оҕолоргутуттан, үөрэх эбийиэктэриттэн ирдээн, — диэн Ольга Балабкина быһа эпииргэ кэпсээтэ.
Виктория Бястинова, edersaas.ru