Доруобуйа Маны аах

Ольга Балабкина: «Оҕолор уонна хат дьахталлар коронавируска сутуллаллара элбээтэ»

Хамсыгы утары тэриллибит Суһал ыстаап балаҕан ыйын 17 күннээҕи брифинигэр Ольга Балабкина: “Коронавируһунан оҕолор уонна хат дьахталлар ыалдьаллара элбээтэ”, — диэн иһитиннэрдэ. 

Ыарыыны ордук ыараханнык хат дьахталлар ылыналлара бэлиэтэммит. Соторутааҕыта ийэ буолаары сылдьар эдэр дьахтар тыына быстыбыт.

Ыарыы тарҕаныытын тула ордук уустук балаһыанньа Амма уонна Ньурба улуустарыгар олохтоммут. “Бу улуустарга туспа миэрэлэр ылыллыахтара”, — диир вице-премьер. Ааспыт күҥҥэ Саха сиригэр 172 киһи ыарыыга сыстыбыт.

— Ааспыт суукаҕа хаһан да эрдэ оҥоһуллубатах элбэх тест өрөспүүбүлүкэ лабораторияларыгар оҥоһулунна — 5 316. Бу оҕолор интэринээккэ киирилэрин, устудьуоннар үөрэххэ кэлэллэрин кытта сибээстээх, — диэн быһаарда Ольга Валерьевна.

«Саха сирэ» хаһыат, edersaas.ru

Хаартыска sakha.gov.ru

0
0