Ольга Балабкина быһыыны доруобуйа туругуттан көрөн ыларга сүбэлээтэ

Ааптар: 
Бөлөххө киир:

Суһал ыстаап салайааччытын солбуйааччы Ольга Балабкина туох туһунан эттэ?

Бүгүн, тохсунньу 20 күнүгэр, өрөспүүбүлүкэҕэ коронавирус дьаҥын бохсууга суһал ыстаап салайааччытын солбуйааччы Ольга Балабкина уочараттаах брифинэ буолла. Ольга Валерьевна этэринэн, бүгүҥҥү туругунан, 151 киһи ыалдьыбыта биллибит. Кинилэртэн Дьокуускайга – 55 киһи. Ону сэргэ туһааннааҕынан 15-14-13 киһи коронавирус дьаҥыгар Алдан, Бүлүү, Мииринэй оройуоннарыгар хаптарбыт. Мэҥэ Хаҥаласка, Нерюнгригэ – 8-тыы, өрөспүүбүлүкэ атын 13 оройуонугар 1-тэн 4-кэ диэри киһи ыалдьыбыта бигэргэммит. Ол эбэтэр, 19 муниципальнай тэриллиигэ коронавирус дьаҥа дьону ыарытыннарар.  Суукка устата лабораториялар 1704 чинчийиини ыыппыттар.

Онон сибээстээн, кини өрөспүүбүлүкэҕэ хааччахтааһын эрэсиимэ СӨ ИЛ Дарханын Ыйааҕар олоҕуран үлэлиирин этэ. Ол курдук, СӨ Үлэҕэ министиэристибэтэ тэйиччиттэн үлэлээһин быраабылатын  (үлэһит 50 бырыһыана) төһө тутуһалларын тэрилтэлэргэ бэрэбиэркэтин тохтоппот. Култуура дьиэлэрэ аччатыллыбыт ноҕоруускалаах үлэлииллэрэ көҥүллэммитэ. Ити барыта бэйэни харыстаныыны, хааччахтаныыны, маасканы кэтии булгуччулааҕын ирдиирин умнубаппытыгар Ольга Балабкина санатта.

Кини бүгүн сүрүн болҕомтону баҕа өттүнэн быһыыны ылыыга уурда. Билиҥҥи туругунан 3067 киһи быһыы ылбыт. Дьокуускайга уонна улуустарга пууннар үлэлииллэр. Ону сэргэ 22 тыһ. доза вакцина кэлэн, маркировканы ааһар. Балары бээтинсэҕэ балыыһаларга тиэрдиэхтэрэ. Ольга Валерьевна дьон бэйэлэрин доруобуйаларын туругуттан көрөн, баҕа өттүнэн быһыыны ылалларыгар сүбэлээтэ.

Бэлэмнээтэ Женни Стрюкова

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0