Ольга Балабкина: «Билигин тыын боппуруоһунан вакцинация буолар»

Ааптар: 
25.01.2021
Бөлөххө киир:

СӨ бырабыыталыстыбатын бэрэссэдээтэлин солбуйааччы Ольга Балабкина, тохсунньу  25 күнүгэр Суһал ыстаап брифинин күнүс 12 чааска быһа эпииргэ тахсан ыытта. 

edersaas.ru

Суһал ыстаап чахчыларынан ааспыт хонукка 132 саҥа коронавируснай инфекциянан ыалдьыбыт дьон көстүбүт.

Киин куораппытыгар 44 сутуллубут киһи көстүбүт. Хомойуох иһин, бу күннэргэ улуустарга ыарыы күүһүрбүтэ көстөр, ол курдук, ааспыт сууккаҕа Мииринэй улууһугар 31 түгэн бэлиэтэммит. Бары коронавируска сыстыы дьиэ кэргэттэр уонна бииргэ үлэлиир дьонтон тахсыбыта быһаарылынна. Нерюнгри улууһугар улахан уларыйыы суох, 13 түгэн. Оттон Өймөкөөҥҥө ыалдьыбыт дьон лаппа элбээбит, 11 киһи сутуллубута болҕомтону тардар. Алдан уонна Мэҥэ Хаҥалас улуустарыгар 7 уонна 8 киһи ыалдьыбыт. Атын 11 улууска 1-4 киһи саҥа коронавируснай ыарыыга ылларбыт дьон көстүбүттэр, — диэн Ольга Валерьевна ааспыт күн туругун кытта кылгастык билиһиннэрдэ.

Өрөспүүбүлүкэ лабораторияларыгар ааспыт өрөбүл күҥҥэ 1508 тест оҥорбуттар. Барыта 909 375 тест оҥоһуллубут.

Балабкина бүгүҥҥү күн тыын боппуруоһунан вакцинация буоларын тоһоҕолоон эттэ. Тохсунньу 25 күнүгэр өрөспүүбүлүкэ иһигэр 27 тыһыынча кэриҥэ вакцина кэлбит. Бу нэдиэлэҕэ өссө 17 тыһыынча коронавируһу утары вакцина кэлэрэ күүтүллэр. Билигин 6929 киһи вакцинаны ылбыт. Ааспыт күн иһигэр 546 киһи быһыыны ылбыта биллэр. 25 улууска көхтөөх вакциналааһын ыытылла турар, сорох улуустарга (Халыма бөлөх улуустара уонна Өлүөхүмэ) күн-дьыл туруга эрэ мэһэйдээн вакциналааһын саҕалана илик. Вакцинация пууннарыгар кырдьаҕас уонна хроническай ыарыылаах дьоннор тиийэллэригэр волонтердар көмөлөһөн эрэллэр, кинилэри сурутан ыҥырыахха сөп. Муус устарга уолаттар аармыйаҕа ыҥырыллар кэмнэрэ кэлэр, онон эрдэ  призывниктарга  быһыыны биэрии  саҕаланаары турарын туһунан Ольга Балабкина биллэрдэ.

«Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0