Ольга Балабкина: «Биир кэлим эксээмэни туттарыыга пандемия мэһэйдиэ суоҕа»...
Олох-дьаһах

Ольга Балабкина: «Биир кэлим эксээмэни туттарыыга пандемия мэһэйдиэ суоҕа»

СӨ бырабыыталыстыбатын бэрэссэдээтэлин солбуйааччы Ольга Балабкина иһитиннэрбитинэн,  бүгүҥҥү  туругунан, өрөспүүбүлүкэ үрдүнэн  3122 киһи коронавирус дьаҥынан ыалдьыбыт. Ааспыт сууккаҕа эбии 85  киһи ыалдьыбытыттан 71-рэ Дьокуускай куоракка бэлиэтэннэ. Билигин  113 оҕо инфекционнай балыыһаларга сытан эмтэнэр, 266  оҕо амбулаторнай эмтэниини ылар.

edersaas.ru

“Бу олус улахан сыыппаралар. Оҕолор үгэс курдук,  эбээлэригэр, эһээлэригэр тыаҕа тахсан  сынньалаҥнарын бобор, хааччахтыыр кыахпыт суох. Ол да буоллар, хас биирдии төрөппүт оҕотун улууска ыытарыгар эппиэтинэһи ылынарын өйдүөхтээх. Оҕо бу ыарыыны  чэпчэкитик аһарар, онтон саастаах киһи ыараханнык ыалдьар. Доруобуйа  харыстабылын тэрилтэлэрин  күүстэринэн улууска тиийэр оҕолору кэтэбилгэ ылыахпыт. Онон оҕолору төрөппүттэрин сөбүлэҥнэринэн,  профилактическэй кэтээн көрүү  тэриллиэҕэ”.    

Бу нэдиэлэҕэ биир кэлим эксээмэҥҥэ бэлэмнэнии үлэтэ ыытыллыаҕа.

«Оҕолорбут БКЭ-ни туттарыыларын  ханнык да пандемия  мэһэйдиэ суоҕа. Онто суох, хааччахтаныы кэмэ буолан, тиһэх чуораан, оскуоланы бүтэрэр үөрүүлээх  тэрээһиннэр  онлайн эрэсииминэн ааспыттара».

 

Ньургуйаана Иванова, “Саха сирэ”  хаһыат, edersaas.ru

Хаартыска интэриниэттэн

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

7 + пятнадцать =