Ольга Балабкина Ленскэй улууһугар үлэлээтэ

Бөлөххө киир:

Бүгүн, олунньу 10 күнүгэр, СӨ бырабыыталыстыбатын бэрэссэдээтэлин солбуйааччы Ольга Балабкина   ситэриилээх былаас отчуотунан  Ленскэй улууһугар сырыытын туһунан  суруналыыстарга кэпсээтэ.

edersaas.ru

Витим  бөһүөлэгэр өйдөбүнньүк мемориала  көтүрүллүбүтүнэн, олохтоох нэһилиэнньэ  саҥа мемориал тутуллуутун туруорсар. Пеледуйга көрүүтэ суох ыттары хонтуруоллуур үлэ туһунан кэпсэтии буолла. Ону таһынан,  Пеледуйга хаарбах дьиэттэн көһөрүү уонна мас дьиэлэргэ  капитальнай өрөмүөн ыытар бырагыраамалар икки ардыларыгар иҥнэн хаалбыт дьиэлэр дьылҕалара быһаарылла илик. Манна анал хамыыһыйа хас биирдии дьиэнэн үлэлиэҕэ.  Ленскэй куоратыгар бастакы улахан халаан кэнниттэн тутуллубут дьиэлэр эргэрэн, олорор усулуобуйаҕа эппиэттээбэттэрин туһунан хас да киһи эттэ. Хамраҕа тутуллубут саҥа акушер  пуунугар сырыттыбыт. Манна быраас ананан кэлэ илик. Ол да буоллар, Ленскэй улууһун киин балыыһатын сэбиэдиссэйэ эрэннэрбитинэн  быраастар  командировканан кэлэн үлэлиэхтэрэ.  Ааспыт сылга улуус иһигэр  мэдиссиинэ тэрилтэлэригэр икки улахан боппуруос  быһаарылынна. Ол курдук “Ийэ уонна оҕо” килииникэтэ лиссиэнсийэтин  ылла  уонна “Кедр” сонотуоруй  улахан дьон көрдөрүнэр балыыһата буолла. Ленскэй улууһун бары олохтоохторун долгутар  авиапорт өрөмүөнүн боппуруоһа чугас былааҥҥа суох эрээри, Уһук Илин сайдыытын бырагырааматыгар сайаапката киирбитэ, онон үп көрүлүннэҕинэ, Талакаан, Мииринэй авиапортарын үлэлэрин кытта ситимнээн,  саҥардыллыы үлэтэ ыытыллыаҕа.

Ньургуйаана Иванова, «Саха сирэ» хаһыат, edersaas.ru

Хаартыска Sakha.gov.ru

+1
0
+1
0
+1
0
+1
0
+1
0
+1
0
+1
0