Маны аах Уопсастыба

Ольга Балабкина: «Анал этии сүрүн туһаайыыта — өрөспүүбүлүкэ хас биирдии олохтооҕор кыһамньы»

Бу күннэргэ Ил Дархан Айсен Николаев Ил Түмэҥҥэ Анал этиитин өрөспүүбүлүкэ олохтоохторо саамай дьүүллэһэр, ырытар кэмнэрэ. 
СӨ Бырабыыталыстыбатын солбуйааччыта Ольга Балабкина бэйэтин санаатын бу курдук үллэһиннэ:
Ил Дархан быйылгы Анал этиитигэр өрөспүүбүлүкэ хас биирдии олохтооҕун туһугар кыһамньыга болҕомтотун уурда. Ол курдук, 2021 сылга Доруобуйа сыла биллэриллибит буоллаҕына, аны кэлэр сыл дьиэ кэргэн туллар тутааҕа Ийэҕэ туһаайылынна. Биллэн турар, ол аата сылы быһа дьиэ кэргэн бигэ  туругар, көрүллэр чэпчэтиилэргэ сүрүн докумуоннар ылыллан, олоххо киириэхтэрэ. Бу биир сыллааҕы үлэ хайысхатын аттарыы буолбатах. Өрөспүүблүкэ олоҕо-дьаһаҕа сайдыытын  100 сыллаах түмүгэ уонна Саха сирин норуоттарын култууратын баай үгэһигэр  олоҕуран, өр сыллаах кэскиллээх былааннары торумнааһын. 
Төһө да сыстыганнаах дьаҥ иккис сылын олох укулаатын тосту уларыттар, сөптөөх хайысханы тобулан, бу уустук балаһыанньаттан тахсарга дьулуһабыт. Ил Дархан COVID-19 ыарахан ыарыы кэнниттэн дьон доруобуйатын чөлүгэр түһэриигэ аныгы мэдьиссиинэ сайдыылаах технологияларын туһанарга кэккэ этиини  киллэрбитин Саха сирин олохтоохторо биһирии ылыннылар. 

 

Елена ПОТОЦКАЯ, “Саха сирэ” хаһыат, edersaas.ru

 

Хаартыскаҕа  — Ольга Балабкина Таатта улууһуттан дьоруой ийэ Кристина Игнатьеваны кытта (СӨ Аҕа баһылыгын уонна Бырабыыталыстыбатын пресс-сулууспатын саайтыттан).

0
0
Telegram @edersaas20