Ольга Балабкина: «Анаалыс, ортотунан, икки күн оҥоһуллар буолла”

23.10.2020
Бөлөххө киир:

Бүгүн, алтынньы 23 күнүгэр, 12:00 чааска СӨ Бырабыыталыстыбатын Бэрэссэдээтэлин солбуйааччы Ольга Балабкина эрэгийиэҥҥэ коронавирус балаһыанньатын туһунан брифинг ыытта.

edersaas.ru

— Ааспыт сууккаҕа Саха сиригэр эбии 179 киһи коронавирус дьаҥар сутулунна. Олортон Дьокуускайга 110 киһи ыарыйда. Аллайыаха, Амма, Таатта улуустарыгар алталыы, Алдан, Нам улуустарыгар биэстии уонна да атын улуустарга биирдии-иккилии киһи ыарыйда.  Ыарыһахтары кытта алтыспыттар быһаарылыннылар уонна хааччахтаннылар. Хомойуох иһин, икки киһи тыына быһынна. Суукка иһигэр өрөспүүбүлүкэ лабораториялара 6133 анаалыһы оҥордулар.

Бу нэдиэлэҕэ суһал ыстаап анаалыс оҥоһулларын түргэтэтэргэ үлэлэстэ. Мантан инньэ анаалыс икки күн иһинэн биллэр буолуоҕа.

Көннөрү кирииптэн вакцинация эмиэ оҥоһуллар. Билиҥҥи туругунан, коронавируһунан уонна кириибинэн ыалдьыбыт дьон тус-туспа көрүүгэ сылдьаллар. Ону таһынан, бу сыл бүтүөр диэри поликлиникалар сыллааҕы диспансеризацияны эмиэ тэрийэллэр. Былааннаммыт эпэрээссийэлэр, көрдөрүүлэр эмиэ ыытыллаллар.

Тус бэйэҕит доруобуйаҕытыгар, чугас дьоҥҥут туһугар эппиэтинэстээхтик сыһыаннаһыҥ диэн нэһилиэнньэни ыҥырабын. Мэдиссиинэ үлэһиттэригэр тулууру баҕарабын.

Виктория Бястинова

+1
0
+1
0
+1
0
+1
0
+1
0
+1
0
+1
0