Ольга Балабкина: «Улуустар ИФА уонна ИХА тестэри атыылаһыахтарын наада»

Бүгүн, сэтинньи ый 17 күнүгэр, 12:00 чааска Саха сирин бырабыыталыстыбатын бэрэссэдээтэлин солбуйааччы Ольга Балабкина эрэгийиэҥҥэ коронавирус балаһыанньатын туһунан брифинг ыытта.

edersaas.ru

— Ааспыт сууккаҕа Саха сиригэр эбии 220 киһи коронавирус дьаҥар сутулунна. Олортон Дьокуускайга 126 киһи ыарыйда. Бары улуустарга барытыгар дьон ыарыйда. Аҕыстыы киһи Бүлүү уонна Мииринэй улуустарыгар, алталыы киһи Алдан уонна Мэҥэ Хаҥалас улуустарыгар коронавируска сутулуннулар.

Дойду суһал ыстаабын мунньаҕын түмүгүнэн, бэҕэһээ РФ сүрүн санитарнай бырааһа уураах таһаарда: ыраах сытар улуустарга ПЦР ньыманы таһынан, ИФА уонна ИХА тестэрин ыытарга диэн. Бүгүҥҥү күн туругунан, өрөспүүбүлүкэ уон түөрт улууһа тестэри атыылаһан олорор. Онтон атын улуустар аҕыйах кэм иһигэр атыылаһа охсуохтарын наада.

Виктория Бястинова, «Саха сирэ» хаһыат, edersaas.ru