Ольга Балабкина: «Бу күннэргэ дьиэ кэргэнинэн ыалдьыы элбээтэ»
12.11.2020
Бүгүн, сэтинньи ый 12 күнүгэр, 12:00 чааска Саха сирин бырабыыталыстыбатын бэрэссэдээтэлин солбуйааччы Ольга Балабкина эрэгийиэҥҥэ коронавирус балаһыанньатын туһунан брифинг ыытта.
edersaas.ru
— Ааспыт сууккаҕа Саха сиригэр эбии 214 киһи коронавирус дьаҥар сутулунна. Олортон Дьокуускайга 121 киһи ыарыйда. Бэлиэтээн эттэххэ, куоракка үксүн дьиэ кэргэнинэн ыалдьаллар.
Улуустарга эмиэ ыалдьыбыт киһи элбии турар. Холобура, хоту улуустарга ыалдьан эрэллэр, онно хонтуруол баар. Уус Алдан улууһун суһал ыстааба эмиэ балаһыанньаны болҕомтоҕо ылыныан наада.
Хомойуох иһин, үс киһи тыына быһынна. Суукка иһигэр өрөспүүбүлүкэ лабораториялара 6684 анаалыһы оҥордулар.
Бэҕэһээҥҥи мунньах түмүгүнэн, РФ Бырабыыталыстыбатын бэрэссэдээтэлин солбуйааччы Татьяна Голикова хоту улуустарга анаалыһы миэстэҕэ оҥоруохха диэн этии киллэрдэ.
Виктория Бястинова, «Саха сирэ» хаһыат, edersaas.ru
Хаартыска — СИА.
+1
+1
+1
+1
+1
+1
+1