Бүгүн, сэтинньи 2 күнүгэр, 11:00 чааска Саха сирин бырабыыталыстыбатын бэрэссэдээтэлин солбуйааччы Ольга Балабкина эрэгийиэҥҥэ коронавирус балаһыанньатын туһунан брифинг ыытта.
edersaas.ru
— СӨ Ил Дархана Айсен Николаев дьаһалынан хааччахтааһын миэрэлэрэ сэтинньи 31 күнүгэр дылы уһатылыннылар.
Ааспыт нэдиэлэттэн анаалыстары ылыы, оҥоруу үлэтэ саҥардыллыбыта. Ол түмүгэр, анаалыстар лабораторияҕа эрэ буолбакка, кэккэ балыыһаларга эмиэ оҥоһуллар буоллулар.
Алтынньы 31 күнүнээҕи СӨ Бырабыытылыстыбатын дьаһалынан, мэдиссиинэ үлэһиттэригэр эбии төлөбүр олохтонно. Ону таһынан, балыыһаҕа эмтэнэр дьоҥҥо өрөспүүбүлүкэ бүддьүөтүттэн эбии харчы көрүллүөҕэ.
Ааспыт нэдиэлэҕэ РФ пульмонологияҕа института ыыппыт сэминээригэр СӨ доруобуйаҕа харыстабылын бэрэстэбиитэллэрэ эмиэ кыттыыны ыллылар. Онно коронавируһу кытары охсуһууга саҥа уопуттары, үлэлэри биллибит.
Үгэс быһыытынан ыытыллар үөрэх, успуорт эбийиэктэрэ, эбии үөрэхтээһин Ил Дархан эбии дьаһалынан эрэ үлэлээн саҕалыахтара. Билиҥҥи кэмҥэ ол кыаллыбат.
Виктория Бястинов, edersaas.ru