Ольга Балабкина: «Үөрэх кэмигэр ыарыы тарҕамматын туһугар үлэлиибит»

Бүгүн, атырдьах ыйын 21 күнүгэр, 11:00 чааска Саха сирин бырабыыталыстыбатын бэрэссэдээтэлин солбуйааччы Ольга Балабкина эрэгийиэҥҥэ коронавирус балаһыанньатын туһунан брифинг ыытта.

«Билигин судаарыстыбаннай былаас уонна бэйэни салайыныы уорганнарыгар уоппускаттан кэлэр дьону хонтуруол сүрүн сорукка турар. Өрөспүүбүлүкэ нэһилиэктэрэ ыраах баар буоланнар ыарыы үгүс нэһилиэктэргэ тиийбэтэ. Маны харыстыахпытын, хонтуруолу күүһүрдүөхпүтүн наада.

Балаҕан ыйын 1 күнүттэн оскуола уонна уһуйаан үлэтин саҕалыыр. Икки нэдиэлэ устата бастакы кылааска киирбиттэри миэдиктэр көрүөхтэрэ. Оттон атыттарга медосмотр ахсынньы 31 күнүгэр диэри ыытыллыаҕа. Үөрэх кэмигэр ыарыы тарҕамматын туһугар үлэлиибит», — диэн Ольга Балабкина брифиҥҥэ эттэ.

edersaas.ru