Өлүөхүмэҕэ “Россия 1” ханаалтан устар бөлөх кэллэ...
Олох-дьаһах

Өлүөхүмэҕэ “Россия 1” ханаалтан устар бөлөх кэллэ

Өлүөхүмэ улууһугар “Россия 1” ханаалтан устар бөлөх кэллэ. “Дойдум Кэскилэ” бырайыак ааптардара Саха сирин хас биирдии улууһун уратытын, култууратын уонна олохтоохторун туһунан матырыйаалы бэлэмниир.

edersaas.ru

Устар бөлөх улууска Олоҥхо күнүгэр кэлбитэ бэйэтэ туспа бэлиэ буолар. Ол курдук, устууну Аанньаах Хочотуттан саҕалаатылар. Инфраструктураны сайыннарыыга уонна инвестицияҕа управление кылаабынай архитектора Нина Бельчусова, тустаах управление тутууга салаатын начаалынньыга Василий Егомин кыттан интервью биэрдилэр. Бөлөх салгыы национальнай бырайыактарынан ыытыллар эбийиэктэри – 200 миэстэлээх улуустааҕы психоневрологическай интэринээти уонна 240 миэстэлээх уһуйаан тутуутун көрдө.

Күн иккис аҥаарыгар Өлүөхүмэтээҕи тиэхиньикум үлэтин-хамнаһын, “WorldSkills” чөмпүйэнээккэ кыттыытын, саҥа идэлэр  туһунан уһулла. Бөлөх салгыы “Өлүөхүмэ кыладабыайыгар”, оҕуруот аһын харайар сиргэ, Юҥкүрдээҕи сүөһү иитэр комплекска, “Поиск” ТХПКҕа, Улахан Муҥкуга баар М.В. Габышев бааһынай хаһаайыстыбатыгар, о.д.а. сирдэринэн сылдьан үлэлээтэ.

Өлүөхүмэ улууһун дьаһалтатын пресс-сулууспата.   

 

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

2 × три =