Айсен Николаев бүгүн социальнай ситимнэртэн быһа эпииргэ таҕыста. Маныаха олохтоохтор Өлүөхүмэҕэ мааска, антисептик тоҕо суоҕун туһунан сурастылар.
Бу ыйытыыны ааҕаат даҕаны, Ил Дархан Өлүөхүмэ улууһун баһылыгар Николай Харбиҥҥа төлөпүөннээн тоҕо бэйэни харыстанар мал-сал суоҕун, тиийбэтин ыйытта.
Муниципальнай тэриллии баһылыга улуус бары тэрилтэлэрэ тус харыстанар малынан хааччыллыылаахтарын иһитиннэрдэ. Ол эрээри маҕаһыыннарга, аптекаларга мааска уонна антисептик атыыга баарын-суоҕун туһунан эппиэттиирин ыарырҕатта.
Онон, Ил Дархан Айсен Николаев бу кыһалҕаны баһылык быһаарарыгар уонна бүгүн биллэрэригэр сорудахтаата.
edersaas.ru
Хаартыска — www.asi.org.ru
+1
+1
+1
+1
+1
+1
+1