Хотугулуу-Илиҥҥи федеральнай университет тыл салаатын суруналыыстыка кафедратын сэбидиссэйэ Олег Сидоров Төрүт сокуоҥҥа уларытыылар тустарынан санаата маннык:
—Нуучча тылын билэр буоламмыт, Англия, Кытай, Дьоппуон да литературатын тэҥҥэ ааҕабыт, дьүүллэһэбит. Аны туран, биһиги бары ытыктыыр дьоммут Алексей Кулаковскай, Николай Неустроев, Алампа уо.д.а. нуучча тылын олус күүскэ билэллэр этэ. Холобур, Гавриил Ксенофонтов, Семен Новгородов публицистикалара үксэ нууччалыы суруллан тураллар. Ол эбэтэр нуучча литературатын, культуратын бэйэлэригэр сыһыараннар, дириҥэтэн, кэҥэтэн биэрэргэ үлэлэһэллэрэ.
Мин санаабар, нуучча тыла биһиэхэ биир саамай сүрүн тирэхпит буолар. Нуучча тылын нөҥүө ыччат аан дойдуга тахсар.
+1
+1
+1
+1
+1
+1
+1