Бүлүү улууһун Халбаакытааҕы бэтэринээринэй учаастакка Оксана Петрова 1992 сыллаахтан бэтэринээр биэлсэринэн үлэлиир.
Оксана Михайловна тыа хаһаайыстыбатын техникумун 1985 сыллаахха бүтэрбитэ. Идэтигэр бэриниилээх, киэҥ билиилээх исписэлиис, икки оҕолоох иллээх ыал ийэтэ нэһилиэнньэ ытыктабылынан туһанар.
Квадроциклы ыытар буолан, Оксана Михайловна кэллиэгэтин, Валентина Роеваны кытары, сайылыктарга уонна ыаллыы Староватово сэлиэнньэтигэр квадроциклынан сылдьан, сүөһүнү көрөр-истэр, эмтиир-сэрэтэр үлэни тэрийэр. Тустаах үлэтин таһынан, сылгы сиэлинэн сэлээппэ өрөрүн, дэйбиир оҥорорун сөбүлүүр. Уус-уран быыстапкаларга көхтөөхтүк кыттар, таптыыр дьарыгар элбэх киһини үөрэтэр.
Биир идэлээхпитигэр Оксана Михайловна, үлэтигэр өссө үрдүк ситиһиилэри баҕарабыт диэн Бэтэринээрийэ департамена суруйар.
Раиса Сибирякова.