Александр Оконешников: «Үтүө түмүктээх тустууну көрдөрүөхтээхпит»

Бөлөххө киир:

Алтынньы 9-11 күннэригэр Владикавказка көҥүл тустууга Арассыыйа чөмпүйэнээтэ ыытыллыаҕа. Бу күрэс түмүгүнэн Сербияҕа буолар аан дойду чөмпүйэнээтигэр кыттар хамаанда састааба талыллыаҕа диэн СӨ успуорка уонна физическэй култуураҕа министиэристибэтин пресс-сулууспата иһитиннэрэр.

СӨ көҥүл тустууга сүүмэрдэммит хамаандатын сүрүн тириэньэрэ Александр Оконешников хамаанда бэлэмин туһунан кэпсиир:

— Тустууктарбыт бүтэһигин олунньуга Нерюнгрига ыытыллыбыт Уһук Илин чөмпүйэнээтигэр күрэхтэспиттэрэ. Тохтобул кэмигэр тулуурдаах буолууга уонна күүс өттүнэн дьарыкка болҕомтобутун уурдубут. «Физикаҕа» үлэлэстибит. Маныаха биһиэхэ анаан исписэлиистэр көмөлөспүттэрэ.

Сыл аҥаара — улахан тохтобул. Спортсменнар күрэхтэһэллэрин суохтаатылар. Маны суохтааһын сорох спортсменнарга үтүө түмүктээх буолуо, көрдөрүүлэрин тупсарыахтара. Буолаары турар чөмпүйэнээккэ саамай сүрүнэ диэн туруоруммут сыалбытын ситиһии уонна үтүө түмүктээх тустууну көрдөрүү буолар.


Маны сэргэ Александр Савельевич СӨ сүүмэрдэммит хамаандатын саҥа хапытаанынан норуоттар икки ардыларынааҕы кылаастаах спорт маастара, Арассыыйа, Европа чөмпүйэнээттэрин призера, аан дойду куубагын кыайыылааҕа, норуоттар икки ардыларынааҕы күрэхтэһиилэр чөмпүйүөннэрэ Арйыаан Тютрин буолбутун иһитиннэрдэ. Бу иннинэ хамаанда хапытаана Виктор Рассадин этэ.

Түмүккэ сүрүн тириэньэр спортсменнар быраастар кэтэбиллэригэр сылдьалларын, бары туруктара этэҥҥэтин иһитиннэрэр.

Сүрүн састаап:

57 киилэҕэ:

1. Арыйаан Тютрин. 2. Михаил Иванов. 3. Петр Константинов. 4. Георгий Окороков. 5. Федор Постников. 6. Егор Потапов. 7. Михаил Иванов (аччыгый) 8. Петр Копылов (Москва – Саха сирэ). 9. Алексей Копылов (Москва – Саха сирэ).

61 киилэҕэ:

1. Петр Павлов. 2. Нюргун Александров. 3. Виталий Эспек.

65 киилэҕэ:

1. Константин Капрынов. 2. Айсен Потапов.

70 киилэҕэ:

1. Виктор Рассадин.

74 киилэҕэ:

1. Тимур Николаев. 2. Константин Власов. 3. Герман Устинов.

92 киилэҕэ:

1. Нюргун Сергин.

Испииһэккэ эбии:

61 киилэҕэ:

1. Семен Владимиров. 2. Дмитрий Аксенов.

edersaas.ru

Хаартыскалар — СИА, sportyakutia.ru 

+1
0
+1
0
+1
0
+1
0
+1
0
+1
0
+1
0