Ойууру көҥүлэ суох, кистээн кэрдэр киһи РФ Холуобунай кодексатын 260-с ыстатыйатынан холуобунай эппиэккэ тардыллар.
Сунтаар улууһугар биир оннук кэрдибит киһи ити ыстатыйанан холуобунай дьыалата суут мунньаҕар көрүллэн, бириигэбэр тахсыбытын туһунан СӨ Борокуратуурата иһитиннэрдэ.
Суут быһаарбытынан, бу киһи 2018 сыл алтынньытыгар көҥүллүүр докумуона суох эрээри, тиит маһы кэрдибит.
Сууттанааччы оҥорбут хоромньутун барытын төлөөбүт.
Суут кинини буруйдааҕынан билинэн, хоромньутун төлөөбүтүн учуоттаан, 250 чаас булгуччулаах үлэҕэ уурбут.
Бириигэбэр сокуоннай күүһүгэр киирэ илик.
Биһиги корр., «Саха сирэ» хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1