Саха сиригэр ыраах ойуур баһаардарын билэргэ «Ростелеком» видеонан кэтээн көрүүтүн систиэмэтин саҥардан биэрдэ.
Бырайыак «Лесохранитель» бырагырааманы кытта ситэрсэн биэрэр, искусственнай өйдүүр кыахха олоҕуран, видеонан баһаары көрдүүр уонна булар. «Ростелеком» IP-камералара» 360 кыраадыс эргимтэни хабан көрөллөр. Устуу үрдүк хаачыстыбалаах буолан, камера туруоруллубут сириттэн 30 км эргимтэҕэ буруо тахсар туочукатын булан бэлиэтиир. Буруону булла да, «Лесохранитель» бырагыраамата баһаар ханна буола турар сирин быһаарар уонна эрэгийиэн диспетчерскэй сулууспатыгар иһитиннэрэр. Исписэлиис бигэргэтии процеһыгар уонна умайыы классификациятыгар кыттар», — диэн Прокопий Неустроев,»Ростелеком» ПАУо «Сахателеком» филиалын судаарыстыбаннай уонна корпоративнай сегменнэри кытары үлэҕэ дириэкэтэрэ этэр.
Бу систиэмэ ойуурга баһаар турар кутталлаах кэмигэр — ыам ыйыттан балаҕан ыйыгар диэри үлэлиир, онтон арахсар. Бастакы системэни үлэлэтии 2020 сыллаахха «Якутлесресурс» үлэҕинэн баар буолбута. Онно «Ростелеком» Дьокуускай куоракка уонна өрөспүүбүлүкэ 26 улууһугар кэтээн көрөр камералары туруортаабыта. Балар бары диспетчер сулууспатыгар видеонан устуу тиһиктээхтик уонна түргэнник кэлэ турарын хааччыйарга, хампаанньа сибээһин ханаалыгар холбонон сылдьаллар.
«Ростелеком» видеонан кэтээн көрөр систиэмэтэ «Лесохранитель» бырагырааманы кытары көдьүүстээхтэрин, туһалаахтарын дакаастаатылар. Холобур, 2020 сыллаахха сыыпара технологиятынан 500 бигэргэтиллибэтэх буруо туочуката булуллубута уонна бэрэбиэркэлэммитэ, 30 саҥа саҕаланан эрэр ойуур баһаара тута тохтотуллубуттара. Бу систиэмэ баар буолан, 1000-тан тахса гектардаах ойуур харыстанна», — диэн Дьулустаан Хон, «Якутлесресурс» судаарыстыбаннай АТ генеральнай дириэктэрэ бэлиэтиир.
Быйыл систиэмэ үлэтэ саҕаланыаҕыттан, 12 ойуур баһаара регистрацияламмыта уонна тута умуруоруллубута.
+1
+1
+1
+1
+1
+1
+1