Ил Дархан Анал этиитигэр ойуур уота сыл ахсын тулалыыр эйгэбитигэр улахан хоромньуну оҥорорун бэлиэтээн эттэ.
Учуонайдар күн-дьыл туруга уларыйан иһиитинэн, айылҕаҕа кыһалҕалар улаатан иһиэхтэрин, ол иһигэр Арктика оройуоннарыгар эмиэ диэн бэлиэтээбиттэр. Кэнники икки сылга өрөспүүбүлүкэ хотугулуу-илин эҥэригэр айылҕаҕа баһаар биэс төгүл элбээбит, уокка сиэммит сир-уот кээмэйэ алта төгүл улааппыт.
Ил Дархан СӨ Бырабыыталыстыбатыгар 2021 сылга ойуур баһаарын утары охсуһарга туспа авиационнай подразделениены тэрийэргэ, Верхоянскай улууһугар Баатаҕайга дислокациялыырга эттэ. Баһаары суһаллык умуруорарга “Якутлесресурс” сиринэн уоту утары охсуһааччылар ахсааннарын эбэргэ, баһаарынай сулууспа парашютнай-десантнай подразделениетын күүһүрдэргэ эттэ.
Тулалыыр эйгэбитин бары бүттүүн харыстыаҕыҥ диэтэ.