Ойуур бизонун бултуур көҥүллэммэт

Ааптар: 
Бөлөххө киир:

2006 сылтан өрөспүүбүлүкэҕэ Саха сиригэр былыр өлбүт, Америка кыылын-сүөлүн бөдөҥ бэрэстэбиитэлин – ойуур бизонун олохсуйуутун чөлүгэр түһэриигэ кэккэ үлэлэр ыытыллаллар.

Бу кыыллары манна Канадаттан аҕалбыттара. Кыыллары көрөр-истэр уонна үөскэтэр кииннэр Хаҥалас,  Горнай уонна Сунтаар оройуоннарыгар бааллар.

Горнай оройуонугар бизоннары аар тайҕаҕа, айылҕаҕа ыыталлар. Онон сибээстээн, киэҥ сиринэн тэлэһийэ сылдьар кыыллар чугастааҕы оройуоннарга да тиийиэхтэрин сөп. Ол иһин, бөдөҥ кыылларга булт кэмигэр, булчут туһааннаах көҥүл ирдэнэр кыылын түбэһиэх ытара табыллыбат. Маны сэргэ булчут ыттары бизоннарга ыытара эмиэ бобуулаах.

Санатан эттэххэ, ойуур бизона өрөспүүбүлүкэ Кыһыл кинигэтигэр киирбитэ уонна сокуонунан харыстанар. РФ Холуобунай кодексын 258 ыстатыйатыгар сөп түбэһиннэрэн, бултаналлара олоччу  бобуулаах көтөрдөрү уонна кыыллары бултааһын иһин 500000-1000000 солкуобайдаах ыстараап эбэтэр биэс сылга диэри көҥүлү быһыы көрүллэр. Ону сэргэ, ураты харыстанар сиргэ-уокка көҥүлэ суох бултааһын эмиэ буруйу оҥоруунан билиниллэр диэн СӨ Экологияҕа министиэристибэтэ иһитиннэрэр.

Сахаговтан Женни Стрюкова бэлэмнээтэ

Хаартыска: тустаах саайтан

+1
0
+1
0
+1
0
+1
0
+1
0
+1
0
+1
0