Айылҕа харыстабыла

Ойуур баһаарын утары — дэлби тэптэрии, ардаҕы ыҥырыы

Саха сиригэр  Авиалесоохрана 272 үлэһитэ үлэлии сылдьар. Кинилэр тиийэргэ уустук, суола-ииһэ суох сирдэргэ уоту умуруорууга үлэлииллэр.

«Авиалесоохрана » ФБУ салайааччытын солбуйааччы Андрей Ерицов этэринэн, чаҕылҕан умаппыт тыалара тиийэргэ олус уустук сиргэ сыталларынан сибээстээн, идэтийбит уоту умуруорааччылар дэлби тэптэрии ньыматынан уот сатаан туораабат сирдэрин оҥоруунан дьарыктаналлар.

Итинник ньыманан ойуур уотун бохсуу Ленскэй, Өлүөхүмэ, Сунтаар, Уус Маайа, Алдан уонна Нерюнгри улуустарыгар ыытыллар.

Ону тэҥэ «Авиалесоохрана» ФБУ оҥоруу ардаҕы Ан-26 «Циклон» сөмөлүөтүнэн түһэриинэн дьарыктанар. Бэс ыйын 27 күнүгэр ардаҕы ыҥырыы Сунтаар, Ньурба, Ленскэй, Өлүөхүмэ, Алдан, Томпо уонна Уус Алдан улуустарыгар ыытыллыбыта.

Бүгүн былыкка дьайыы үлэтин Томпоҕо, Уус Майаҕа, Горнайга ыыталлара былааннанар.

0
0
Telegram @edersaas20