Ойуур баһаарын умуруорууга РФ Оборуонаҕа министиэристибэтин байыаннай тиэхиньикэтэ кэлиэҕэ

Ааптар: 
Бөлөххө киир:

Бүгүҥҥү күҥҥэ Саха сиригэр 88 ойуур баһаара баар, онтон 36-тын умуруорууга үлэ ыытыллар. Бу туһунан СӨ Экологияҕа миниистирин солбуйааччы Сергей Сивцев бүгүҥҥү брифиҥҥэ иһитиннэрдэ. Кини бэлиэтииринэн, өрөспүүбүлүкэҕэ ойуур баһаарын балаһыанньата — бигэ.

Суукка иһигэр барыта 600 гектар иэннээх ойуур баһаарын умуруордулар. Манна 2,5 тыһыынча киһи уонна 400 тиэхиньикэ үлэлээтэ.

Бу күннэргэ РФ Оборуонаҕа министиэристибэтин байыаннай тиэхиньикэтэ кэлиэҕэ диэн миниистири солбуйааччы иһитиннэрдэ. Бу тиэхиньикэлэр Нам улууһун Таастааҕар баар баһаарга үлэлиэхтэрэ.

Суукка иһигэр алта саҥа ойуур баһаара бааара бэлиэтэммит: биир — Уус Майаҕа, биэс — Орто Халымаҕа.

+1
0
+1
0
+1
0
+1
0
+1
0
+1
0
+1
0