Өрөспүүбүлүкэ үрдүнэн 18 улуус сиригэр-уотугар холбоон 2 236 гектар тыаны хабар 31 ойуур баһаарын бохсууга 837 киһи, 76 тиэхиньикэ тардыллан үлэлии-хамсыы сылдьаллар.
edersaas.ru
Күн бүгүн уот тоҕус сиргэ бохсулунна, ааспыт сууккаларга түөрт ойуур баһаара умулларыллыбыта. Ойуур пуондатын ыраах сытар, суола-ииһэ суох сирдэригэр 201 умайар туочуканы (1 356 417 гектар) умулуннарыы Ыксаллаах быһыы-майгы кэмитиэтин быһаарыытынан тохтотулунна.
Уоту умуруорууга көмөлөһө Ханты-Мансийскай автономнай уокуруктан уонна Тюмень уобалаһыттан «Авиалесоохрана» ФСБТ парашютнай-десантнай баһаарынай сулууспатын 90 исписэлииһэ ЫБММ Ил-76 сөмөлүөтүнэн бүгүн кэллилэр. Өссө 95 баһаарынньык Амур уонна Чита уобаластарыттан кэлэллэрэ күүтүллэрин Экология, айылҕаны туһаныы уонна ойуур хаһаайыстыбатын министиэристибэтэ иһитиннэрэр.
Раиса Сибирякова, «Саха сирэ», edersaas.ru
+1
+1
+1
+1
+1
+1
+1