Ааспыт хонукка Булуҥҥа уонна Өймөкөөҥҥө биирдии ойуур баһаара умуруоруллубутун туһунан СӨ экологияҕа миниистирин солбуйааччы, кылаабынай лесничей Андрей Коноплев иһитиннэрдэ.
Авиация көмөтүнэн уонна космостан көрүү түмүгүнэн эбии ойуур баһаара турбатаҕа быһаарыллыбыт. Онон атырдьах ыйын 24 күнүнээҕи туругунан сэттэ ойуур баһаара умайар (Орто Халымаҕа — 6, Уус Маайаҕа — 1). Уус Маайаҕа уонна Орто Халымаҕа биирдии уоту умуруоруу ыытыллар. Барыта 390 киһи үлэлиир уонна 9 тиэхиньикэ көмөлөһөр. Уус Маайа улууһугар биир ойуур баһаара бохсуллубут. Бу сааскыттан Саха сиригэр барыта 527 ойуур баһаара турбута бэлиэтэммит буоллаҕына, былырыын баччаларга 1502 уот турбута быһаарыллыбыт.
+1
+1
+1
+1
+1
+1
+1