Бэҕэһээ киэһээҥҥи иһитиннэриинэн, 3 845,2 га иэннээх сиринэн түөрт ойуур баһаара умулларыллыбыт. Алта ойуур баһаара (3 213 га) Бүлүү, Мииринэй, Сунтаар уонна Уус Маайа оройуоннарыгар бохсуллубут.
Бу туһунан РФ Ыксаллаах быһыыга-майгыга министиэристибэтин Саха сиринээҕи управлениетын начаалынньыга Павел Гарин, улуустар баһылыктара кыттыылаах мунньахха этиллибит.
СӨ Экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы — сүрүн лесничэй Андрей Коноплев иһитиннэрбитинэн, 48 ойуур баһаара (42 131 га) үс ландшафтнай (766 га) баһаардар бэлиэтэммиттэр. Ойуур уотун умулларыыга 690 киһи, 30 тиэхиньикэ үлэлиир.
Алдан, Мииринэй, Уус Маайа, Бүлүү уонна Өймөкөөн улуустарыгар ойуур баһаардарын умулларыыга ылыллар миэрэлэр тустарынан иһитиннэриилэр оҥоһуллубуттар.
Түмүккэ Павел Гарин өрөспүүбүлүкэ сиригэр-уотугар ойуур баһаардарынан эрэгийиэн таһымнаах ыксаллаах быһыы-майгы эрэсиимэ, Мииринэй уонна Уус Маайа оройуоннарыгар муниципальнай таһымнаах ыксаллаах быһыы-майгы эрэсиимнэрэ салҕаналларын эппит. Маны сэргэ, ойуур баһаардарынан ураты эрэсиим 22 оройуоҥҥа уонна Дьокуускай куорат уокуруктарыгар баара ыйыллар. Павел Сергеевич улуустары баһылыктарыгар ойуур баһаардарын утары үлэни, нэһилиэнньэҕэ өйдөтөр-сүбэлиир иһитиннэриилэри үксэтэргэ соруйбут.
+1
+1
+1
+1
+1
+1
+1