Доруобуйа Уопсастыба

Ойуур баһаарыгар үлэлээбит волонтердар диспансеризацияны барыахтара

Быйылгы ойуур баһаардарыгар үлэлээбит волонтердар диспансеризацияны барыахтара.

Дьокуускай куорат 3 №-дээх балыыһатыгар диспансеризацияны ыытыыга бэлэмнэнии буола турар.

Балыыһа кылаабынай бырааһа Светлана Давыдова бэлиэтээбитинэн, 615 баһаарынай волонтер  доруобуйатын бэрэбиэркэлэтиэҕэ.

— Тэрээһини Ил Дархан кэргэнэ Людмила Николаева көҕүлээбитэ. Үлэбитигэр   мэдиссиинэ биологическай холбоһуктаах Федеральнай ааҕыныстыбата көмөлөһүөҕэ. Онно  терапевт, эндокринолог, офтальмолог, оториноларинголог, невролог уонна мэдиссиинэ орто сүһүөх персонала бааллар, — диэн иһитиннэрдэ балыыһа кылаабынай бырааһа.
Федеральнай ааҕыныстыба мобильнай этэрээттэрэ алтынньыга диэри үлэлиэхтэрэ.

 

Елена ПОТОЦКАЯ, «Саха сирэ» хаһыат. 

0
0