Авиалесоохрана биллэрэринэн, Саха сиригэр ааспыт күн 300,5 га иэннээх 15 айылҕа баһаара бэлиэтэммит. Билигин 17 га иэннээх баһаар Сунтаар улууһугар умуруорулла илик.
edersaas.ru
Бу күннэргэ уоту бохсууга 288 киһи уонна 40 араас тиэхиньикэ үлэлээтэ. Ааспыт күҥҥэ 68 киһи 16 патрульнай бөлөххө түмсэн үлэлээтилэр. Бу үлэ түмүгүнэн 7 административнай кэһии туһунан боротокуол толоруллубут.
— Ааспыт сууккаҕа саҥа баһаардар үөскээбиттэр, 14 эрдэ умайбыт баһаардар умуруорулуннулар. Үлэ түмүгүнэн баһаардар уопсай иэннэрэ 328,5 гектарынан кыччаата. Сүрүн үлэ дьон олорор сирдэрин уоттан харыстааһыҥҥа ыытыллар. Өймөкөөн, Таатта, Томпо уонна Ньурба улуустарыгар туспа баһаарынай эрэсиим олохтонно, — диэн ЫБММ сүрүн салалтатын салайааччыта Павел Гарин дакылааттаата.
«Саха сирэ» хаһыат, edersaas.ru
Хаартыска sakha.gov.ru