Бэҕэһээ, от ыйын 13 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников ойуур баһаардарынан суһал ыстаап киэһээҥҥи уочараттаах мунньаҕын ыытта.
Эрэгийиэннээҕи диспетчер сулууспатын бэҕэһээ киэһээҥҥи иһитиннэриитинэн, өрөспүүбүлүкэҕэ 323 ойуур баһаара бэлиэтэнэр. 17 улууска 73 ойуур баһаарын умуруорууга үлэ ыытыллар. Итинтэн 7 оройуоҥҥа 15 баһаар бохсуллубут.
Ойуур баһаардарынан уустук быһыы-майгы Горнай, Сунтаар, Мииринэй уонна Хаҥалас улуустарыгар бэлиэтэнэр.
Ойуур баһаардарын умуруорууга 2238 киһи, 306 тиэхиньикэ үлэлиир.
Бэҕэһээ киэһээҥҥи иһитиннэриинэн, хонук саҕаланыаҕыттан 3 ойуур баһаара умуруоруллубут, 1 булуллубут.
Горнайга, Ньурбаҕа уонна Дьокуускай куоракка ардаҕы түһэрэргэ үлэ ыытыллар.
Ойуур баһаардарын умуруорууга федеральнай саппаастан 810 киһи үлэлиир.
Гидрометкиин иһитиннэриитинэн, Нам, Горнай, Уус Алдан, Томпо, Өймөкөөн, Муома оройуоннарыгар V, Уус Маайаҕа, Өлүөхүмэҕэ, Мииринэйгэ 4 кылаастаах ойуур баһаардара бэлиэтэнэллэр.
РФ ЫБММ Саха сиринээҕи салаата иһитиннэрбитинэн, от ыйын 14 күнүгэр, РФ МЧС миниистирин таһымыгар ыксаллаах быһыыны-майгыны сэрэтиигэ уонна туоратыыга ыытыллар бырабыыталыстыбаннай хамыыһыйаҕа Саха сиригэр ойуур баһаардарынан боппуруоһа көрүллэр.
+1
+1
+1
+1
+1
+1
+1