Ойуур баһаардарын умулларыыга Амуртан «Авиалесоохрана» ФБТ 47 баһаарынайа көмөҕө кэлиэҕэ.
СӨ Экология министиэристибэтэ иһитиннэрбитинэн, өрөспүүбүлүкэ сиригэр-уотугар 6 902,5 га иэннээх уот сиэбит сиригэр 22 ойуур баһаарын умулларыыга үлэ ыытыллар. 825,0 га иэннээх сири хаппыт алта ойуур баһаара бохсуллубут.
Уоту утары охсуһууга өрөспүүбүлүкэҕэ «Авиалесоохрана» ФБТ Амурдааҕы авиасалаатыттан 47 авиабаһаарынай, 2 кэтээн көрөөччү лүөччүк кэлэрэ былааннанарын туһунан СИА этиллэр. Бу күннэргэ ойуур баһаарын умулларыыга, бохсууга Приморье уонна Уһук Илин авиационнай баазаларыттан 175 десантник Бүлүү бөлөх улуустарыгар көмөҕө кэлбитэ.
+1
+1
+1
+1
+1
+1
+1