Ойуур баһаардарын умуруорарга саҥа тиэхиньикэлэр аҕалылыннылар

«Экология» национальнай бырайыак чэрчитинэн өрөспүүбүлүкэҕэ ойуур баһаардарын утары охсуһарга тиэхиньикэлэр аҕалыллыылара салҕанар. Бу туһунан СӨ Экология министиэристибэтин пресс-сулууспата иһитиннэрэр.

Бүгүн Аллараа Бэстээх бөһүөлэгэр Барнаултан («Алтайлесмаш» ХЭУо собуота) хорутар анал тэриллээх ТЛ-4 үс тыраахтар аҕалылынна. Чугастааҕы күннэргэ өссө 25 квадрокоптер, Кашевник систиэмэтинэн түһэрэр-таһаарар 20 кэмпилиэк кэлиэхтээх.

Быйылгы сылга барыта ойуур баһаарын умулларарга үлэлиир 18 тиэхиньикэ, ол иһигэр 8 квадроцикл, УАЗ-Патриот түөрт массыына, УАЗ-Фермер алта массыына кэлбиттэрэ. 2021 сылга ойууру баһаартан харыстыыр, уоттан сэрэтэр тэрээһиннэри ыытарга тиэхиньикэлэринэн уонна тэрилинэн анал тэрилтэлэри хааччыйарга федеральнай бүддьүөттэн 200,18 мөл.солк. үп көрүллүбүтэ.