Ойуур баһаардарыгар буруйдаахтары спутник көмөтүнэн булуохтара

Киин улуустарга бу күннэргэ буруо олус хойдубута. Төрүөтүнэн, көҥүлэ суох өртөөһүн уонна умуллубатах кутаа уоттар буоллулар. Ол түмүгэр, икки туоннаттан элбэх  от умайда.

edersaas.ru

Бу баһаардарга уон сэттэ киһи кыттыгастааҕа биллибит. Маныаха, буруйдаахтары спутник нөҥүө быһаараллар. «Сайын ойуур баһаардара этиҥнээх ардахтан, кураантан эбит буоллахтарына, аны, билигин киһи буруйуттан буолан эрэр.  Күһүн курааҥҥа ким даҕаны өртөөһүн оҥоруо дии санаабатаҕа”, –  диэтэ Ил Дархан.

Бу баһаардары умулларарга уон биир тыһыынча киһи үлэлээтэ. Ол иһигэр, Арассыыйа, өрөспүүбүлүкэ анал сулууспалара, нэһилиэк олохтоохторо. Былырыын баһаартан отут тыһыынча гектар сири умуруорбут буоллахтарына, быйыл сүүстэн тахса гектары умуруордулар.

—Ойуурга тыһыынчанан гектар умайа турар буоллаҕына, авиация да көмөтүнэн сатаан умулларбаккын. Ыраах сытар сирдэри этэ да барбаккын. Сороҕор вертолет да көтөн тиийбэт сирдэригэр уот турар. Саамай чугас дэриэбинэттэн көтөн тиийдэҕинэ даҕаны, төттөрү айаныгар уматыга тиийбэт, — диэн Ил Дархан тоһоҕолоон этэ. Тустаах министиэристибэлэр уонна олохтоох салайыныы уорганнара, биирдиилээн дьон сыыһа-халты туттуулара хатыламматыгар эрэнэрин биллэрдэ.